Calipso Quod Calipso monebat hoc: extra fumum custodi nauem et undam. Vox 5 Cause Quod cause uidentur esse quatuor, scilicet natura, necessitas, fortuna et intellectus. Vox 6 Citharedus Quod sicut citharizando efficitur quis citharedus, sic iusta faciendo iustus et sic de aliis. Vox 7 Cecus Quod ceco naturaliter uel ex infirmitate uel plaga nullus improperabit, set magis miserebitur; set eum qui ex uini potacione uel alia utique incontinencia, omnis utique increpabit. Vox 8 Castrimargi Quod castrimargi uocantur qui preter indigenciam replent uentrem et supra debitam sibi quantitatem assumunt et tales sunt multum bestiales. Vox 9 Clauis Quod clauis dicitur equiuoce que sub collo animalis et qua hostia clauduntur. Vox 10 Cibi delectacio Quod cibi delectacio est communis et naturalis a natura communi, quia omnis homo quandoque appetit cibum quando famescit, et quandoque humidum quando sitit, et quandoque utrumque. Vox 11 Causa Quod si nullus sibi est causa eius quod est malefacere, sic nec eius quod est benefacere. Vox 12 Concausa Quod sumus concause habituum uirtutum. Vox 13 de Circumstanciis Quod de circumstanciis non malum determinare. Vox 14 de Comparacione De comparacione medii ad extrema et extremorum ad inuicem. Vox 15 de Concupiscencia Quod concupiscencia et ira non sunt causa inuoluntarii. Quod concupiscencia est delectabilis et tristis, eleccio uero non.