Continencia Quod continencia non est uirtus set quedam mixta. Quod continencia et perseuerancia uidentur studiosorum et laudabilium esse. Quod continencia et incontinencia et temperancia et intemperancia simpliciter dicta tantum sunt circa passiones humanas. Quod continencia est eligibilior perseuerancia, sicut uincere quam solum se tenere. Quod continencia, cum sit medium, est de numero studiosorum. Quod continencia et incontinencia sunt circa excellens multorum habitum. Vox 24 Comestio carbonum Quod comestio carbonum et terre et masculorum concubitus omnia accidunt propter perniciosam naturam et consuetudinem, et horum non est continencia proprie cum non sint per se delectabilia nature humane. Vox 25 Corrigia Cyprigene Quod corrigia uaria Cyprigene. Vox 26 Consuetudo Quod consuetudo est difficilis, quoniam nature assimulatur. Unde: diuturna meditacio immanet et cum uenit ad perfectum est natura hominibus. Vox 27 Concupiscibile Quod concupiscibile et appetibile participant aliqualiter racione. Vox 28 Contemplacio Quod contemplacio sapiencie sola propter se ipsum diligitur, quia nichil ab ipso fit nisi speculari; set in operabilibus querimus aliud quod acquirimus per opus. Quod contemplatiuus est felicissimus. Quod contemplatiuus secundum intellectum operans est Deo amantissimus. Caput 4 Vox 1 Debitum Quod debitum est reddendum uniuersaliter et non amico tribuendum. Vox 2 Decipere Quod qui decipitur credens se amari propter honestum, debet se ipsum incusare, si non uidit in amante aliquid honeste operacionis. Vox 3 Deceptor Quod deceptor simulacione decipiens est magis in amore accusandus quam falsarius nummismatum. Vox 4 Delectabile