Practica Quod practica principatur factiue. Vox 48 Peccans Quod peccans in arte uoluntarie est eligibilior quam qui peccat iniustus; e conuerso est de prudencia. Vox 49 Peccatum Quod peccatum contingit uniuersale et particulare; exemplum de aqua ponderosa. Vox 50 Poligramanes Quod poligramanes sunt quasi in multi negociis existentes. Vox 51 Preuolantes Quod preuolantes non preconsiliantur; set si racio fortificetur per consilium, non ducuntur a passione, sicut pretitillantes non titillantur. Quod preuolacio et debilitas sunt modi incontinencie. Vox 52 Peior Quod peior est si quis non concupiscens uel quietus operatur turpe quam si uehementer concupiscens, et si non iratus percutit quam si iratus. Vox 53 Perseuerans Quod perseuerans dicitur qui uincit tristicias a quibus multi uincuntur. Vox 54 Phalaris Quod Phalaris nepharius homo fuit qui applicabat homines ad lectum suum et quos maiores inueniebat detruncabat. Vox 55 Particulare Quod particulare non habet tantum de sciencia quantum uniuersale, ideo corrumpitur magis in particulari; ideo uidetur esse uerum quod Socrates querebat quod scientem non contingit peccare, quia uniuersalis non est presens. Vox 56 Punicio Quod punicio quietat impetum ire, delectacionem pro tristicia faciens. Quod punire est humanius quam relaxare. Vox 57 Pugne Quod pugne et accusaciones sunt ex hoc quod equalibus inequalia et inequalibus equalia dantur. Vox 58 Potencia et sciencia