Superfluitas Quod superfluitas et defectus corrumpunt, medietas autem saluat. Vox 14 Superhabundancie Quod superhabundancie et defectus non est medietas, quia sic superhabundancie esset superhabundancia et defectus defectus. Vox 15 Senes Quomodo senes plebis se habent ad Helenam. Quod senes et seueri non sunt amatiui, breue enim in ipsis quod delectacionis; nullus enim per diem commorari potest cum tristi uel non delectabili, quia natura fugit triste et appetit delectabile. Quod senes et seueri tanto minus fiunt amici quanto magis sunt discoli et minus colloquiis gaudent; hec enim maxime uidentur esse amicabilia et factiua amicicie; et ideo iuuenes qui multum sunt in gaudiis statim sunt amici, senes autem non, neque seueri. Quod senibus debemus honorem in assurgendo et inclinando. Vox 16 Sentire Quod sentire et intelligere sint delectabile, quia quicumque uidet et audit et intelligit, sentit et percipit se operari hoc, set qui sentit se sentire sentit se uiuere et esse, esse autem et uiuere maxime est delectabile, quia uiuere est secundum se ipsum bonum. Vox 17 Sensibilia Quod sensibilia non facile possunt determinari, quia iudicium eorum est in sensu. Vox 18 Sanis Quod sanis corpore sunt sana ea que sunt simpliciter sana, set infirmis alia. Vox 19 Studiosus Quod studiosus uolens non operatur praua. Vox 20 Sciencia Quod sciencia uidetur eadem contrariorum esse. Vox 21 Salomon Quod Salomon dixit: ad hoc quod sit felix debitum est finem inspicere. Quod Salomon dixit quod moderate habentes exteriora contingit agere secundum uirtutem que oportet. Vox 22 Sapiencia Quod sapiencia est certissima scienciarum. Quod sapiencia est uniuersalis, et non est quedam particularis sicut Homerus in Margice dixit. Quod sapiencia est capud scienciarum et ideo est honorabilissimorum. Quod sapiencia non est circa utilia, quia sic multe essent sapiencie.