Ueritas Quod ueritas est medietas circa uerum, habundans autem iactator, deficiens autem eyron. Quod ueritas est opus utrarumque intellectiuarum particularum. Quod ueritatem dicere non sufficit, set assignare causam falsi; hoc enim confert ad fidem. Vox 19 Uerum et falsum Quod uerum et falsum est opus speculatiue mentis. Vox 20 Uniuersale Quod uniuersale est ex singularibus quorum oportet habere sensum. Vox 21 Uituperabile Quod uituperabile in delectacionibus natura eligibilibus et mediis non est simpliciter concupiscere et pati, set superhabundanter amare quemadmodum Inobe rebelles. Vox 22 de Uipera De uipera a qua percussus fuit Theodoctus. Vox 23 Ultimum Quod est ultimum in resolucione est primum in generacione. Vox 24 Uiriles Quod uiriles reuerentur, id est fugiunt, quod amici contristentur ipsis, et, si tristicia non sit ita magna quod superexcedat uires suas, nullo modo sustinent quod condoleant sibi, quia, cum ipsi non sint ploratiui, non delectantur in hoc quod aliquis comploret sibi; set muliebres homines gaudent in hoc quod aliqui per tristiciam sint simul angustiati, set tales non oportet imitari, set uirilem. Vox 25 Uisus Quod secundum uisum maxime est delectabilis presencia amici quemadmodum in amantibus uidere delectabilissimum est et magis eligunt amatores hunc sensum quem alios. Caput 19 Capitula libri Ethicorum Initia capitulorum libri 1 Omnis ars et omnis doctrina. Dicamus autem resumentes. Nos autem dicamus unde discessimus. Rursus autem redeamus ad quesitum. Set forte felicitatem quidem. Scrutandum ergo de ipso non solum ex conclusione. Amplius autem forte minus, si huic pessimi filii. Multe autem transmutaciones.